11/05/2012 ವೆರ್ ಉಡ್ಪಿಂತ್ 'ಕಥೊಲಿಕ್' ಸ್ತ್ರೀ ಸಂಘಟನ್ ಉಡುಪಿ ಜಿಲ್ಲೆ ಮ್ಹಳ್ಳ್ಯಾ ನಾಂವಾನ್ ಉದ್ಘಾಟನ್ ಜಾಲೆಂ. 16/07/2012 ವೆರ್ ನವಿ ಉಡುಪಿ ದಿಯೆಸೆಜ್ ಘೋಷಿತ್ ಜಾಲಿ. ಕಥೊಲಿಕ್ ಸ್ತ್ರೀ ಸಂಘಟನ್ ಉಡುಪಿ ಜಿಲ್ಲೆ ಮ್ಹಣ್ ಪ್ರಾರಂಭ್ ಕೆಲ್ಲ್ಯಾ ಸಂಘಟನಾಚೆಂ ನಾಂವ್, 'ಕಥೊಲಿಕ್ ಸ್ತ್ರೀ ಸಂಘಟನ್ ಉಡುಪಿ ದಿಯೆಸೆಜ್' ಮ್ಹಣ್ ಬದ್ಲಿಲೆಂ. ಉಡುಪಿ ದಿಯೆಸೆಜಿಚ್ಯಾ ಸ್ತ್ರೀ ಸಂಘಟನಾಚಿ ಪಯ್ಲಿ ಅಧ್ಯಕ್ಷ್ ಜಾವ್ನ್ ಶ್ರೀಮತಿ ಲೀನಾ ರೋಚ್ ವಿಂಚುನ್ ಆಯ್ಲಿ. 2013೦ತ್ ಸ್ತ್ರೀ ಸಂಘಟನಾಚಿ ಪಯ್ಲಿ ಘಟನಾವಳ್ ಅಸ್ಥಿತ್ವಾಕ್ ಆಯ್ಲಿ. ಘಟನಾವಳಿ ಪರ್ಮಾಣೆ ವಾಡ್ಯಾವರ್ ಸ್ವ-ಸಹಾಯ್ ಸಂಘ್ ಆಸಾ ಕೆಲೆ. 30/11/2012ವೆರ್ ಸ್ತ್ರೀ ಸಂಘಟನಾಚೆಂ ವಾರ್ತಾ ಪತ್ರ್ 'ಮೊತಿಯಾಂ' ಮೊಕ್ಳಿಕ್ ಕೆಲೆಂ.
ಆಜ್ ಆಮ್ಚ್ಯಾ ಫಿರ್ಗಜೆಂತ್ 'ಸ್ತ್ರೀ ಸಂಘಟನ್' ಆಪ್ಲೊ ಕಾರ್ಯಾಳ್ ವಾವ್ರ್ ದೀವ್ನ್‌ಚ್ ಆಸಾ. 'ಸ್ತ್ರೀ ಸಂಘಟನ್' ಆನಿ 'ಮಹಾಸಂಘ್' ಜಮಾತ್ ಹರ್‍ಯೆಕಾ ಮಹಿನ್ಯಾಚ್ಯಾ ಪಯ್ಲ್ಯಾ ಆಯ್ತಾರಾ ಮಿಸಾ ಉಪ್ರಾಂತ್ ಸಾಂಗಾತಾ ಚಲವ್ನ್ ವರ್ತಾಂವ್. ಹಾಂತುಂ 12 ಸ್ವ-ಸಹಾಯ್ ಪಂಗಡ್ ಆಸೊನ್ 187 ಸಾಂದೆ ಆಸಾತ್, 149 ಜಿಣ್ಯೆ ಸಾಂದೆ ಆಸಾತ್. ಸ್ತ್ರೀ ಸಂಘಟನಾ ಥಾವ್ನ್ ಫಿರ್ಗಜೆ ಮಟ್ಟಾರ್ ಸಬಾರ್ ರಾಜಕೀಯ್ ಆನಿ ವೈದ್ಯಕೀಯ್ ಶಿಬಿರಾಂ ಮಾಂಡುನ್ ಹಾಡ್ಲ್ಯಾಂತ್ ಆನಿ ಹಾಂತುಂ ಸಬಾರಾಂನಿ ಫಾಯ್ದೊ ಜೊಡ್ಲಾ.
ಸ್ತ್ರೀ ಸಂಘಟನಾಚ್ಯಾ ಉದ್ದೇಶಾಂ ಪರ್ಮಾಣೆ ಪಾಟಿಂ ಆಸ್‌ಲ್ಲ್ಯಾ ಸ್ತ್ರೀಯಾಂನಿ ಮುಕಾರ್ ಯೇಂವ್ಕ್ ಪ್ರೋತ್ಸಾಹ್ ದೀವ್ನ್ ಆಸಾಂವ್. ಜಾಯ್ತ್ಯೊ ಸ್ತ್ರೀಯೊ ಸ್ವ-ಸಹಾಯ್ ಪಂಗ್ಡಾ ಥಾವ್ನ್ ಸ್ವ-ಉದ್ಯೋಗ್ ಕರ್ನ್ ಕುಟ್ಮಾಂಚಿ ಆರ್ಥಿಕ್ ಪರಿಸ್ಥಿತಿ ಬದ್ಲುಂಕ್ ಸಕ್ಲ್ಯಾಂತ್. ಸಾಂಗಾತಾಚ್ ಸರ್ಕಾರಾ ಥಾವ್ನ್ ಮೆಳ್ಚ್ಯೊ ಸವ್ಲೊತ್ಯೊ ಆಪ್ಣಾವ್ನ್ ಹೆರಾಂಕೀ ತ್ಯೊ ಮೆಳೊಂಕ್ ಕುಮೊಕ್ ಕರ್ನ್ ಆಸಾತ್.
-
Welcome to Holy Family Church, Brahmavara.