ಕಥೊಲಿಕ್ ಸಭಾ ಎಕ್ ರಿಜಿಸ್ಟರ್ಡ್ ಸಂಸ್ಥೊ. ಸೆವಾ, ತ್ಯಾಗ್ ಆನಿ ಎಕ್ವಟ್ ಕಥೊಲಿಕ್ ಸಭೆಚೊ ಪ್ರಮುಖ್ ಧ್ಯೇಯ್. ಅಲ್ಪ್‌ಸಂಖ್ಯಾತ್ ಜಾವ್ನ್ ಆಸ್ಚೆ ಆಮಿ ಸಂಘಟಿತ್ ಜಾವ್ನ್ ಸಮಾಜೆಂತ್ ಅನೀತ್ ಆನಿ ಆಮ್ಚ್ಯಾ ಸ್ವಾತಂತ್ರ್ಯಾಕ್ ಶೋಷಣ್ ಜಾಲ್ಲ್ಯಾ ಸಂದರ್ಭಾರ್ ಪ್ರತಿಭಟನ್ ಚಲಂವ್ಚೊ ಮುಖ್ಯ್ ಉದ್ದೇಶ್.
ಉಡುಪಿಂತ್ ಕಥೊಲಿಕ್ ಸಭಾ 1979 ಎಪ್ರಿಲ್ 29 ತಾರಿಕೆರ್ ಆರಂಭ್ ಜಾಲಿ. ಉಪ್ರಾಂತ್ ಉಡ್ಪಿಂತ್ಲ್ಯಾ 48 ಫಿರ್ಗಜೆಚಾ 121 ಜಣಾಂ ಹುದ್ದೆದಾರಾಂ ಸಂಗಿಂ ಕಥೊಲಿಕ್ ಸಭಾ ಹಾಚೆಂ ಸಂವಿಧಾನ್ ರಚುನ್ ಅನುಮೋದನ್ ಕರ್‍ನ್ ಉಪ್ರಾಂತ್ ರಿಜಿಸ್ಟರ್ಡ್ ಕೆಲೆಂ.
ಆಮ್ಚೆ ಫಿರ್ಗಜೆಂತ್ 1991 ಇಸ್ವೆಂತ್ ಕಥೊಲಿಕ್ ಸಭಾ ಆರಂಭ್ ಜಾಲಿ. ಸ್ಥಾಪಕ್ ಅಧ್ಯಕ್ಷ್ ಶ್ರೀಮಾನ್ ಜೋಸೆಫ್ ಡಿಸೋಜಾ ಆನಿ ತಶೆಂಚ್ ಮಾನೆಸ್ತ್ ವಾಲ್ಟರ್ ಸಿರಿಲ್ ಪಿಂಟೊ ಕಾರ್‍ಯದರ್ಶಿ ಜಾವ್ನ್ ಘಟಕಾಚೆಂ ಪ್ರಾರಂಭ್ ಜಾಲೆಂ.
ಬ್ರಹ್ಮಾವರ್ ಘಟಕಾ ತರ್ಫೆನ್ ಲೊಕಾಂಚಾ ಶೈಕ್ಷಣಿಕ್, ಸಾಮಾಜಿಕ್ ಆನಿ ಆರ್ಥಿಕ್ ಬರೆಪಣಾಕ್ ಸಬಾರ್ ಕಾರ್ಯಕ್ರಮಾಂ ಮಾಂಡುನ್ ಹಾಡ್ತಾ. ಭುರ್ಗ್ಯಾಂಕ್ ಸ್ಕೋಲರ್‌ಶಿಪ್, ಭಾಷಣ್ ಸ್ಪರ್ದ್ಯಾಂಚೆಂ ಆಯೋಜನ್, ಪ್ರತಿಭಾ ಪುರಸ್ಕಾರ್, ವನಮಹೋತ್ಸವ್, ಸ್ವಚ್ಛ್ ಭಾರತ್, ಆವ್ರಾಂತ್ ಸಾಂಪಡ್ಲೆಲ್ಯಾಂಕ್ ಆರ್ಥಿಕ್ ಕುಮೊಕ್, ಮಾನಸ ಪುನರ್ವಸತಿ ಕೇಂದ್ರಾಕ್ ಭೆಟ್ ಆನಿ ಗರ್ಜೆಚಿ ಆರ್ಥಿಕ್ ಕುಮೊಕ್ - ಅಶೆಂ ಸಬಾರ್ ಸಮಾಜ್ ಮುಖಿ ಕಾರ್ಯಿಂ ಆಯೋಜನ್ ಕರುನ್ ಆಸಾ.
-
Welcome to Holy Family Church, Brahmavara.