ಹೊ ಫ್ರಾನ್ಸಿಸ್ಕನ್ ಧಾರ್ಮಿಕ್ ಮೇಳ್ 1876 ಇಸ್ವೆಂತ್ ಸ್ಪೇನ್ ಗಾಂವಾಂತ್, ಮದರ್ ಮೇರಿ ಪಾಸ್ಕಾಲ್ ಹಿಣೆ ಸುರ್‍ವಾತ್ ಕೆಲ್ಲೊ. 'ಮ್ಹಜಾ ಲ್ಹಾನಾ ಭಾವ್/ಭಯ್ಣಿಂಕ್ ಕಿತೆಂ ತುಮಿ ಕರ್‍ತಾತ್ ತೆಂ ಮ್ಹಾಕಾಚ್ ತುಮಿ ಕರ್‍ತಾತ್' ಮ್ಹಳ್ಳ್ಯಾ ಸೊಮ್ಯಾಚ್ಯಾ ಉತ್ರಾಂ ಪ್ರಮಾಣೆ - ಗರ್ಜೆವಂತಾಂಚ್ಯಾ ಗರ್ಜೆಂತ್ ಪಾಂವ್ಚ್ಯಾಕ್, ಪಿಡೆಸ್ತಾಂಕ್, ಗತ್ - ಆಧಾರ್ ನಾತ್‌ಲ್ಲ್ಯಾಂಕ್ ಆನಿ ಕೊಡ್ಕಾರಾಂಕ್ ಆನಿ ಸಮಾಜೆಂತ್ ತಿರಸ್ಕಾರ್ ಜಾಲ್ಲ್ಯಾಂಕ್ ಮೋಗ್ ಆನಿ ಮಯ್ಪಾಸ್ ದೀವ್ನ್ ಪರತ್ ಸೊಮ್ಯಾ ಥಂಯ್ ಭರ್ವಸೊ ರೂಪಿತ್ ಕರ್‍ಚೊ ಹ್ಯಾ ಧಾರ್ಮಿಕ್ ಮೆಳಾಚೊ ಉದ್ದೇಶ್.
1995 ಇಸ್ವೆಂತ್ ಬ್ರಹ್ಮಾವರಾಂತ್ ಫ್ರಾನ್ಸಿಸ್ಕನ್ ಭಾವ್ ಮೆಳಾಚಾ ಸಾಂದ್ಯಾಂನಿ 'ಕರುಣಾಲಯ' ಪ್ರಾಯ್ವಂತಾಚೆಂ ವಸ್ತಿ ಘರ್ ಸುರ್‍ವಾತ್ ಕೆಲ್ಲೆಂ. ಕಾಪುಚಿನ್ ಫ್ರಾದಿಂಚಾ ಮಾರ್ಗದರ್ಶನಾಖಾಲ್ ಚಲ್ಚ್ಯಾ ತಿಸ್ರ್ಯಾ ಒಡ್ಡಿಚ್ಯಾ ಹ್ಯಾ ಮಿಸಾಂವಾಂತ್ ಆಧಾರ್ ದಿಂವ್ಚ್ಯಾಕ್ ಸಿಸ್ಟರ್‍ಸ್ ಆಫ್ ದಿ ಇಮ್ಮಾಕ್ಯುಲೆಟ್ 'ಕರುಣಾಲಯ' ಆಶ್ರಮಾಕ್ ಆಯಿಲ್ಲಿಂ. ಪ್ರಾಯ್ವಂತ್ ಭಯ್ಣಿಂಚಿ ಜತನ್ ಘೆಂವ್ಚ್ಯಾ ಬರಾಬರ್ ಇಸ್ಕೊಲಾಂತ್‌ಯಿ ತಿಂ ವಾವ್ರ್ ಕರ್‍ನ್ ಆಸಾತ್.
-
Welcome to Holy Family Church, Brahmavara.