Welcome to Holy Family Church, Brahmavara. ಫಾ| ದೊಮಿನಿಕ್ ಬಾಪಾಂಕ್‌ ಮೊಗಾಚಿ ಶೃದ್ಧಾಂಜಲಿ
ಮರ್ಣಾ ಉಪ್ರಾಂತ್‌ ಜಾಯ್ತ್ಯಾಂಚೆ ನಾಂವ್ ಬರವ್ನ್ ಆಸ್ತಾ ಎಕಾ ಮಾರ್ಬಲ್‌ ಫಾತ್ರಾಚೆರ್!!! ಪುಣ್ ಥೊಡ್ಯಾಂಚೆಂ ನಾಂವ್ ಖಂಚವ್ನ್ ಆಸ್ತಾ ಜಾಯ್ತ್ಯಾಂಚಾ ಕಾಳ್ಜಾಂಚೆರ್!!! ಮೊಗಾಚ್ಯಾ ಫಾ| ದೊಮಿನಿಕ್ ಬಾಪಾನೊಂ ವರ್ಸಾ ಫುಡೆಂ ಆಮ್ಚೆ ಥಾವ್ನ್‌ ಪಯ್ಸ್‌ ಗೆಲ್ಲ್ಯಾತ್ ಉಗ್ಡಾಸ್‌ ತುಮ್ಚೊ ಮಾಜ್ವೊಂಕ್ ನಾ ಮೊವಾಳಾಯ್‌ ತುಮ್ಚಿ ವಿಸ್ರೊಂಕ್‌ ನಾಂವ್. ಮೀಸ್‌ ಜಾತಾನಾ ಹಾಂಗಾಸರ್‌ ಯೇವ್ನ್‌ ಕುಶಿಕ್‌ ಬಸ್ಚೆಂ ಸಾಂಜ್‌ ಜಾತಾನಾ ಭಾಯ್ರ್‌ ವಾಕ್‌ ಕರ್ಚೆಂ ಆಮ್ಕಾಂ ಬೆಸಾಂವಾ ಸಂಗಿಂ ಆಮ್ಚ್ಯಾ ಪಾಟಿಕ್‌ ಮೊಗಾನ್‌ ಥಾಪಡ್ಚೆಂ ಕಶಿಂ ಆಸಾತ್, How are you? ಮಣ್‌ ಹಾಸೊನ್‌ ವಿಚಾರ್ಚೆಂ ಆಮಿ ವಿಸ್ರುಂಕ್‌ ನಾಂವ್. ದೊಮಿನಿಕ್ ಬಾಪಾನೊಂ, ಆಯ್ಶಿಂ ಆನಿ ನೋವ್‌ ವರ್ಸಾ ಆದಿಂ ಫೆಬ್ರೆರ್‌ ಇಕ್ರಾ ತಾರಿಕೆರ್‌ ತುಮಿ ಜಲ್ಮಲ್ಯಾತ್ ಪನ್ನಾಸ್‌ ಆನಿಂ ಪಾಂಚ್‌ ವರ್ಸಾ ಆದಿಂ ಮಾಯ್‌ ಮಹಿನ್ಯಾಚ್ಯಾ ಸೊಳಾ ತಾರಿಕೆರ್‌ ಆಮ್ಚ್ಯಾ ಫಿರ್ಗಜೆಕ್‌ ಸಾತ್ವೊ ವಿಗಾರ್‌ ಜಾವ್ನ್‌ ಆಯ್ಲ್ಯಾತ್‌ ಆನಿ ಆದ್ಲ್ಯಾ ವರ್ಸಾ ಮಾಯ್‌ ಮಹಿನ್ಯಾಚ್ಯಾ ಎಕ್ವೀಸ್‌ ತಾರಿಕೆರ್‌ ಸಾಸ್ಣಿಕ್‌ ಸುಖಾಕ್‌ ಸಂಸಾರ್‌ ಸರ್ನ್‌ ಗೆಲ್ಯಾತ್‌ ದೊಮಿನಿಕ್ ಬಾಪಾನೊಂ, ಪನ್ನಾಸ್‌ ಆನಿಂ ಪಾಂಚ್‌ ವರ್ಸಾಂ ಆದಿಂ ಸಾತ್ವೊ ವಿಗಾರ್‌ ಜಾವ್ನ್‌ ಸಾತ್‌ ವರ್ಸಾಂ ಫಿರ್ಗಜೆಚ್ಯಾ ಹರ್ಯೇಕ್‌ ಘರಾಂನಿಂ ಚಲವ್ನ್‌ ಚಲವ್ನ್‌ ತುಮಿ ಕೆಲ್ಲಿ ತಿ ಭೆಟ್‌ ನೀಲಾವರಾಕ್‌ ಸೈಕಲ್‌ ಚಲವ್ನ್‌ ತುಮಿ ಕೆಲ್ಲೊ ತೊ ವಾವ್ರ್ ಎಕ್ವಟ್‌ ಮಾಯಾ‌ಮೊಗಾ ಸವೆಂ ಕೆಲ್ಲೆಂ ತೆಂ ಮಿಸಾಂವ್‌ ಬ್ರಹ್ಮಾವರ್ಚಿ ದೇವ್‌ ಪರ್ಜಾ ಕೆದಿಂಚ್‌ ವಿಸರ್ಚಿ ನಾಂ. ಫಿರ್ಗಜೆಚೆ ಸಂಘ್‌ ಸಂಸ್ಥೆ ಜೀವಾಳ್‌ ಕರುಂಕ್‌ ತುಮ್ಚಿ ತಿ ಉರ್ಬಾ ಕೊಡಿಯಾಳಾಂತ್‌ ಜಾಲ್ಲ್ಯಾ ಸ್ಪರ್ಧ್ಯಾಂನಿ ಪಯ್ಲೆ ಪಾವ್ಟಿಂ ಫಿರ್ಗಜೆಚ್ಯಾ ಯುವಜಣಾಂಕ್‌ ತರ್ಬೆತ್‌ ಕರ್ನ್‌ ಆಪವ್ನ್‌ ವರುಂಕ್‌ ಕೆಲ್ಲಿ ತಿ ಮ್ಹಿನತ್ 'ರಾಜ್‌ ಸದನ್‌' ಮ್ಹಳ್ಳೆಂ ವಿಶಿಷ್ಟ್‌ ಆಪುರ್ಬಾಯೆಚೆಂ ರಂಗ್‌ ಮಂಚ್‌ ಉಬಾರುನ್‌ ತಾಂತುನ್‌ ಸಾದರ್‌ ಜಾಲ್ಲಿಂ ಮನೋರಂಜನ್‌ ಕಾರ್ಯಿಂ ಆಮ್ಚ್ಯಾ ಉಗ್ಡಾಸಾಂತ್‌ ಆಸಾತ್. ದೊಮಿನಿಕ್ ಬಾಪಾನೊಂ, ತುಮಿ ಮಿಸಾಚಿ ನವಿ ಆಲ್ತಾರ್‌ ಆನಿ ಕೊಪೆಲಾಕ್ ಮೊಜಾಯಿಕ್‌ ಇಟೆ ಘಾಲುನ್‌ ಕೆಲ್ಲಿ ತಿ ಸಜವ್ಣಿ ಫಿರ್ಗಜೆಕ್‌ ಬಾಂದಾಯ್ಲೊ ನವೊ ಪೊರ್ಟಿಕೊ, ಘಾಲ್ಲಿಂ ನವಿಂ ಫೆನಾಂ ಫಿರ್ಗಜೆ ಮುಕಾರ್‌ ಬಾಂದಯ್ಲೊ ಮಜ್ಭೂತ್‌ ನವೊ ಪಾಗೊರ್ ನೀಲಾವರ್‌ ಕೊಪೆಲಾಕ್, ಯಾಜಕಾಂಕ್‌ ವಸ್ತೆಕ್‌ ಮ್ಹಣ್‌ ತುಮಿ ಬಾಂಧ್‌ಲ್ಲೆಂ ನವೆಂ ಘರ್ ಹಂದಾಡಿಂತ್‌ ಪ್ರಾಯ್ಮರಿ ಆಸುಲ್ಲೆಂ ಇಸ್ಕೊಲ್‌ ಹಾಯರ್‌ ಪೃೈಮರಿ ಕೆಲ್ಲಿ ತುಮ್ಚಿ ತಿ ಶಾಥಿ ಫಿರ್ಗಜ್‌ ಲೊಕಾಂಕ್‌ ದಿಲ್ಲ್ಯೊ ಸಬಾರ್‌ ಸವ್ಲತ್ಯೊ ಉಗ್ಡಾಸಾಂತ್‌ ಆಸಾತ್. ದೊಮಿನಿಕ್ ಬಾಪಾನೊಂ, ತ್ಯಾ ಕಾಳಾರ್‌ ದುಬ್ಳ್ಯಾಂಚಿ ಘರಾಂ ಬಾಂದುಂಕ್‌ ಗರ್ಜೆಂವಂತಾಂಚಿ ಘರಾಂ ದುರಸ್ತಿ ಕರುಂಕ್‌, ಆನಿ ನವ್ಯೊ ದೊಣಿಂ ಕಾಣ್ಘೆಂವ್ಕ್ ತುಮಿ ದಿಲ್ಲಿ ಆರ್ಥಿಕ್‌ ಕುಮಕ್‌ ವಿಸ್ರುಂಕ್‌ ಜಾಯ್ನಾ ಲ್ಹಾನಾಂ ಭುರ್ಗ್ಯಾಂಕ್‌ ಮೊಗಾನ್‌ ಖಾವಯ್ಲ್ಯೊ ಆಂಬೆ ಆನಿ ಪೊಣ್ಸಾಚೆ ಗರೆ ಆಮ್ಕಾಂ ತುಮಿ ಮೊಗಾನ್‌ ದೊತೊರ್ನ್‌ ಶಿಕೊವ್ನ್‌ ಪಯ್ಲೊ ಕುಮ್ಗಾರ್‌ ಸೆಂವುಂಕ್‌ ತಯಾರ್‌ ಕೆಲ್ಲಿ ರೀತ್ ಆಮ್ಚಿ ವಾಸ್ಛಿ ಸಕತ್‌ ಆನಿ ಜಾಣ್ವಾಯ್‌ ಚಡಂವ್ಕ್‌ ತುಮಿ ಆಸಾ ಕೆಲ್ಲಿ ಸೊಭಿತ್‌ ಲೈಬ್ರೆರಿ ಘರಾಂ ಬೆಜ್ಮೆತಾಂಕ್‌ ಧಾ-ಪಂದ್ರಾ ಆಲ್ತಾರ್‌ ಭುರ್ಗ್ಯಾಂ ಸಂಗಿಂ ತುಮಿ ಯೆಂವ್ಚೆಂ ಘರಾಂತ್ಲ್ಯಾ ಲ್ಹಾನಾಂ ಭುರ್ಗ್ಯಾಂಕ್‌ ಮೊಗಾನ್‌ ಲಾಗಿಂ ಆಪವ್ನ್‌ ನಾಂವ್ ಆನಿಂ ಕ್ಲಾಸ್ ವಿಚಾರ್ನ್‌ ಮೂಟಿಭರ್‌ ಚೊಕ್ಲೆಟಾಂ ದಿಂವ್ಚೆಂ ಉಗ್ಡಾಸಾಂತ್‌ ಆನಿಕೀ ಆಸಾ ಫಾದರ್. ದೊಮಿನಿಕ್ ಬಾಪಾನೊಂ, ಏಕ್‌ ಜಾಣ್ವಾಯೆಚೊ ವ್ಯಕ್ತಿ ಜಾವ್ನ್‌ ಆಪ್ಲ್ಯಾ ಖಾಲ್ತ್ಯಾ ಪಣಾ ವರ್ವಿಂ ವಿಧೇಯ್ಪಣಾ ವರ್ವಿಂ ಕಶೆಂ ಲೊಕಾಚಿಂ ಕಾಳ್ಜಾಂಮನಾಂ ಜಿಕ್ಯೆತಾ ಮ್ಹಣ್‌ ತುಮಿ ದಾಕವ್ನ್‌ ದಿಲೆಂ ತುಮ್ಚೆಂ ಕಡೆನ್‌ ಜೆಂ ಕಿತೆಂ ಆಸಾ ಗರ್ಜೆವಂತಾಂಚ್ಯಾ ಹಾಂತಾಂತ್‌ ತುಮಿ ದಿಲೆಂ ಲ್ಹಾನಾ ಭುರ್ಗಿಂ ಆನಿಂ ಯುವಜಣಾಂ ತುಮ್ಕಾಂ ಚಡಿತ್‌ ಮೊಗಾಚಿಂ, ತುಮ್ಚ್ಯಾಮಾರ್ಗ ದರ್ಶನ್ ಆನಿ ಪ್ರೋತ್ಸಾಹ್ ವರ್ವಿಂ ಫಿರ್ಗಜೆಂತ್‌ ದೇವ್‌ ಆಪವ್ಣಿಂ ಚಡಯ್ಲಿಂ ಜಾಯ್ತಿಂ ಪಾದ್ರ್ಯಾಬ್‌ ಆನಿ ಸಿಸ್ಟರಾಂಯೀ ಜಾಲಿಂ. ದೊಮಿನಿಕ್ ಬಾಪಾನೊಂ, ತ್ಯಾ ಕಾಳಾರ್‌ ತುಮಿ ಆಸಾ ಕರ್ಚ್ಯೊ ಫಿರ್ಗಜೆಚೊ ದೀಸ್‌ ವಾಡ್ಯಾಘರಾಂಕ್‌ ಸಾಂಗಾತಾ ಕಾಣ್ಘೆವ್ನ್ ಆಸಾ ಕರ್ಚಿ ಸರ್ತಿ ಲೊಕಾ ಥಂಯ್‌ ಸುಡ್ಸುಡಾಯ್‌ ಆನಿ ಮೆತೆರ್‍ಪಣ್ ಚಡಯ್ಲಾ ಖಾಲ್ತೆಪಣಿಂ ಆನಿಂ ವಿಧೇಯ್ಪಣಾಚೆ ದೇಕಿ ವರ್ವಿಂ “ಸಾತ್‌ ವರ್ಸಾಂ” ತುಮಿ ಆಮ್ಚೆ ಖಾತಿರ್‌ ಸಾರುಲ್ಲೊ ತೊ ಮಿಸಾಂವ್‌ ವಾವ್ರ್ ಕ್ರೀಸ್ತಾಂವ್‌ ಅನಿಂ ಅಕ್ರೀಸ್ತಾಂವಾಂ ಥಂಯ್‌ ಮನ್ಶ್ಯಾ ಆನಿ ದೆವಾ ಮಧ್ಲೊ ಸಾಂಕೊವ್‌ ಜಾವ್ನ್‌ ತುಮಿ ದುಬ್ಳ್ಯಾ ಧಾಕ್ಟ್ಯಾಂಚೊ ಬಾಪ್‌ ಜಾಲ್ಯಾತ್‌ ಆನಿ ನಿಮಾಣೆಂ ತುಮ್ಚಿ ತಿ ಅಮೂಲ್ಯ್‌ ನಿರ್ಜೀವ್‌ ಕೂಡ್ ಆಸ್ಪತ್ರೆಕ್‌ ದಾನ್‌ ದೀವ್ನ್ ಸಮಾಜೆಕ್‌ ಜೀವಂತ್‌ ಮೇಲ್‌ ಫಾಂಕ್ತ್‌ ಜಾಲ್ಯಾತ್‌. ದೊಮಿನಿಕ್ ಬಾಪಾನೊಂ, ತುಮ್ಚೆ ವಿಶಿಂ ಸಾಂಗುಂಕ್‌ ಆಮ್ಚೆಲಾಗಿಂ ಉತ್ರಾಂ ನಾಂತ್‌ ಸರ್ವಾಂಚ್ಯಾ ಕಾಳ್ಜಾಂತ್‌ ಆನಿಂ ಮನಾಂತ್‌ ತುಮ್ಚೆ ವಿಶಿಂ ಭರ್ಪೂರ್‌ ಉಮಾಳೆ ಅನಿ ಭೊಗ್ಣಾಂ ಭರುನ್‌ ಆಸಾತ್ ಸ್ಮಾರ್ಟ್‌ ಆಕ್ಟೀವ್‌ ಕ್ರಿಯೇಟಿವ್‌ ಮುಕೆಲಿ ಅಮ್ಕಾಂ ಜಾಯ್ತೆ ಮೆಳ್ತಾತ್‌ ಪೂಣ್‌ ಲೊಕಾ ಸಂಗಿಂ ಭರ್ಸುನ್‌ ಮೊಗಾಳ್ ಆನಿ ಖಾಲ್ತೆಪಣಾಂಚೆಂ ಮುಕೆಲಿ ಮೆಳ್ಚೆ ಭೋವ್‌ ಅಪ್ರೂಪ್‌! ದೊಮಿನಿಕ್ ಬಾಪಾನೊಂ, ಆಜ್‌ ತುಮ್ಚ್ಯಾ ವರ್ಸಾಚೊ ಉಗ್ಡಾಸ್‌ ಕಾಡ್ತಾನಾ ತುಮ್ಚ್ಯಾ ಜಿವಿತಾಚ್ಯಾ ಚರಿತ್ರೆಚೊ ಉಗ್ಡಾಸ್‌ ಆಯ್ಲೊ ತುಮ್ಚ್ಯಾ ತ್ಯಾ ಮೊಗಾಚ್ಯಾ ಆನಿ ತ್ಯಾಗಾಚಾ ಸೆವೆಕ್‌ ಆಮಿ ಸರ್ವಾಂ ಬ್ರಹ್ಮಾವರ್‌ ಫಿರ್ಗಜ್ಗರಾಂ ಆಭಾರಿ ಜಾವ್ನ್‌ ಆಸಾಂವ್ ತುಮ್ಕಾ ಆಮಿ ಮಾನ್‌ ಬಾಗಯ್ತಾಂವ್‌, ದೇವ್‌ ಬರೆಂ ಕರುಂ ಮ್ಹಣ್ತಾಂವ್‌ ಆನಿ ಭರುಲ್ಲ್ಯಾ ಕಾಳ್ಜಾನ್‌ ಸಾಸ್ಣಾಚೊ ವಿಶೆವ್‌ ಮಾಗ್ತಾಂವ್‌... ಸಾಸ್ಣಾಚೊ ವಿಶೆವ್‌ ದಿ ತಾಕಾ ಏ ಸೊಮಿಯಾ ಆನಿ ನಿರಂತರ್‌ ಪ್ರಕಾಶ್‌ ತಾಚೆರ್‌ ಫಾಂಕಂವ್ದಿ. ಆಮೆನ್..!
ಶ್ರಿಮಾನ್‌ ಸ್ಟೀವನ್‌ ಲುವಿಸ್‌ ಮಟ್ಪಾಡಿ